سوال

ہمارے گھر میں رمضان میں ٹی وی بند ہوتا ہے، لیکن کیا  وٰڈیو گیم کھیل سکتے ہیں ؟

جواب

ٹی وی تو  ہے ہی  معصیت کا آلہ ،  ٹی وی دیکھنا اور اسے گھر میں رکھنا دونوں درست نہیں ہے،  آپ نے اچھا فیصلہ کیا ہے، اب اس گناہ سے مکمل چھٹکارا حاصل کریں۔

 باقی رمضان المبارک کا مہینہ سال میں ایک مرتبہ آتا ہے، اور اس مہینہ میں رب ذوالجلال کی بے شمار رحمتوں اور برکتوں کا نزول ہوتا ہے، ان اوقات کو عبادات میں لگ کر قیمتی بنانا ہی ایک مسلمان کی شان ہے،  اس لیے  ہر قسم کی ویڈیو گیم سے  بھی احتراز  لازم ہے، ویڈیوگیم میں اگر جان دار کی تصاویر ہوں تو ایسے گیم کھلینا ناجائزہوگا، اور اگر جان دار کی تصاویر نہ ہوں، اور اس میں لگ  کر فرائض میں کوتاہی نہ ہوتی ہو، اور اسے صرف لہو و لعب اور وقت گزاری کے لیے نہ کھیلا جائے، بلکہ ذہنی نشاط کے لیے کھیلا جائے، تو جواز کی حد تک گنجائش ہوگی، لیکن اس سے  کھیل میں انہماک بڑھے گا اور ہر وقت ذہن اسی میں لگا رہے گا جو کہ شرعاً ناپسندیدہ ہے، نیز یہ لایعنی بھی ہے ؛ اس لیے ایک گونہ کراہت سے خالی نہیں ہے، بہرحال ایسے گیم سے بھی اجتناب کرنا چاہیے۔ فقط واللہ اعلم