سوال

اگر کوئی شخص آن لائن کوئی چیز خریدتا ہے اور اس کی ادائیگی جیز کیش کے ذریعہ کرتا ہے، جب کہ خریدنے والے کا جیز کیش کا اپنا کوئی اکاؤنٹ نہیں ہے، بلکہ وہ بیچنے والے کے اکاؤنٹ (جیز کیش نمبر) پر رقم منتقل کرتا ہے، تو کیا اس شخص کے لیے اس طرح سے یہ چیز خریدنا اور اس کی ادائیگی جیز کیش کے ذریعہ کرنا جائز ہوگا؟ اور جیز کیش سروس استعمال کرنے کی وجہ سے کوئی گناہ تو نہیں ہوگا؟ اسی طرح بغیر اکاؤنٹ کھولے رقم منتقل کرنا صحیح ہے یا نہیں؟

جواب

جیز کیش اکاؤنٹ کھولے بغیر خرید کردہ چیز کی قیمت کی ادائیگی یا رقم منتقلی کے لیے جیز کیش اکاؤنٹ کا استعمال جائز ہے اور قم منتقلی کی صورت میں اگر کمپنی صارف سے کچھ رقم (بطور سروس چارجز) وصول کرتی ہے تو یہ بھی درست ہے۔  فقط واللہ اعلم