سوال

ہماری والدہ نے کسی کی بچی کو دودھ پلایا تھا اور اب وہ لوگ اس لڑکی کے چھوٹے بھائی کے لیے ہمارے ہاں رشتہ مانگ رہے ہیں تو اس کے بارے میں کیا حکم ہے؟

جواب

آپ کی والدہ نے جس بچی کو دودھ پلایا تھا، اور اب اس بچی کے گھر والے اس بچی کے چھوٹے بھائی کے لیے اگر آپ کی بہن (آپ کی والدہ کی بیٹی) کا رشتہ مانگ رہے ہیں تو  یہ رشتہ جائز ہے؛ کیوں کہ رضاعت کا رشتہ صرف اس بچی سے ثابت ہوا تھا، اس کے چھوٹے بھائی سے نہیں۔ (فتاوی شامی، ۳/۲۱۳-۲۱۴، سعید )

الدر:

"(فيحرم منه) أي بسببه (ما يحرم من النسب) …(إلا أم أخيه وأخته)".

الرد:

"(قوله: وأم أخت) صادق … بأن تكون الأم فقط من الرضاع كأن تكون لك أخت نسبية لها أم رضاعية، بخلاف النسبية؛ لأنها إما أمك أو حليلة أبيك".فقط واللہ اعلم