سوال

میرے چند دوست ہیں جن کو میرے ساتھ شدت تعلق کی وجہ سے دیگر دوست مزاح کرتے ہوئے انہیں میری بیوی کہتے ہیں، کیوں کہ میں ان دوستوں کے ساتھ اٹھتا بیٹھتا ہوں، گزشتہ ہفتے کچھ جھگڑے کی وجہ سے میں نے اپنے ان دوستوں کو جن کو میرے ساتھی میری بیوی کہتے ہیں، یوں کہا کہ: میں نے تم بیویوں کو طلاق دی۔ یہ بات کہتے ہوئے میرے ذہن میں میری حقیقی بیوی کا کوئی تصورتک نہیں تھا نہ ہی وہ موضوع بحث تھی۔ کیا ان الفاظ کے کہنے سے میری اصلی بیوی کے ساتھ میرے تعلقات میں کوئی خرابی ہوئی ہے؟ میں اپنے کیے پر نادم ہوں اور آئندہ اس طرح نہ کروں گا۔

جواب

آپ کے اپنے دوستوں کو کہے گئے کہ ان الفاظ سے کہ: "میں نے تم بیویوں کو طلاق دی "،  آپ کی بیوی پرطلاق واقع نہیں ہوئی؛ کیوں کہ آپ نے "تم" کا لفظ استعمال کیا ہے اور دوستوں کو طلاق نہیں ہوسکتی؛ کیوںکہ طلاق کا محل بیوی ہے،دوست نہیں۔ تاہم ایسے مزاح اور ایسے الفاظ کے کہنے سے پرہیز لازم ہے۔ فقط واللہ اعلم