کو ئی بندہ اپنی بیوی کو ایک وقت میں دو بار طلاق دے، پھر دوسرے ہی دن رجوع کر لیتا ہے تو اس مسئلہ کی شرعی وضاحت فرمائیں۔
صورتِ مسئولہ میں اگر مذکورہ شخص نے طلاق کے صریح الفاظ کے ساتھ اپنی بیوی کو دو طلاقیں ایک ہی وقت میں دی تو اس سے اس کی بیوی پر دو طلاق ِ رجعی واقع ہوگئیں، اور جب اگلے دن اس نے رجوع کرلیا تو یہ رجوع درست ہوگیا اور دونوں کا نکاح برقرار رہا، اب آئندہ کے لیے شوہر کے پاس ایک طلاق کا اختیار باقی ہے۔فقط واللہ اعلم
فتوی نمبر : 144106200721
دارالافتاء : جامعہ علوم اسلامیہ علامہ محمد یوسف بنوری ٹاؤن