سوال

حضور صلی اللہ علیہ وسلم کی دو بیٹیوں کا نکاح حضرت عثمان رضی اللہ عنہ سے ہو ا حال آں کہ قرآن کریم میں دو بہنوں سے نکاح کرنا حرام قرار دیا ہے؟

جواب

قرآن کریم میں دو بہنوں کو بیک وقت نکاح میں جمع کرنے سے منع کیا گیا ہے، جب کہ حضرت عثمان رضی اللہ عنہ سے آپ صلی اللہ علیہ وسلم کی دو صاحبزادیوں کا نکاح یکے بعد دیگرے ہوا ہے، یعنی ایک صاحب زادی کے انتقال کے بعد دوسری صاحب زادی سے نکاح ہوا، بیک وقت دو نوں بہنیں نکاح میں نہیں تھیں ؛اس لیے اشکال کی کوئی بات نہیں۔ فقط واللہ اعلم