اگر کسی کے پاس دس گرام سونا ہے اور وہ اس کے والد صاحب کے پاس ہے تو اس پر قربانی واجب ہو گی؟
اگر کسی کے پاس دس گرام سونا ہے اور اس نے اپنے والد کے پاس امانت رکھوایا ہے تو اس کی دو صورتیں ہیں:
1۔ صرف دس گرام سونا ہے ،اس کے ساتھ چاندی ،نقدی یا مالِ تجارت موجود نہیں، اس صورت میں قربانی واجب نہیں۔
2۔ دس گرام سونے کے ساتھ چاندی، نقدی یا مال تجارت موجود ہے، اور اس کی مجموعی مالیت ساڑھے باون تولہ چاندی کی قیمت کے برابر ہے تو اس صورت میں قربانی واجب ہے۔ فقط واللہ اعلم
فتوی نمبر : 143909202009
دارالافتاء : جامعہ علوم اسلامیہ علامہ محمد یوسف بنوری ٹاؤن