سوال

کیا درود ناریہ کا ثبوت حدیث سے ملتا ہے؟ کیا یہ پڑھ سکتے ہیں؟ اور اس کے فوائد کیا ہیں؟

جواب

"درود ناریہ" اکابرین کا مستند اور مجرب وظیفہ رہا ہے، اور  تمام جائز حاجات کے حصول اور مصائب وپریشانیوں سے نجات  کے لیے  اس کا ورد مجرب ہے،  4444 مرتبہ اس کا ورد  مطلوبہ مقصد کے حصول میں زیادہ مفید ہے۔  اس کے  الفاظ دو طرح سے منقول ہیں :

"تَنْحَلُّ بِهَا الْعُقَدُ وَتَنْفَرِجُ بِهَا الْکُرَبُ وَتُقْضٰی بِهَا الْحَوَائِجُ وَتُنَالُ بِهَا الرَّغَائِبُ." اس صورت میں "ھا" ضمیر لفظ "صلاۃ"  کی طرف لوٹ رہی ہے، اور ہمارے ہاں اسی طرح پڑھنے کا معمول ہے۔ 

اور یوں بھی منقول ہیں : "تَنْحَلُّ بِهِ الْعُقَدُ وَتَنْفَرِجُ بِهِ الْکُرَبُ وَتُقْضٰی بِهِ الْحَوَائِجُ ..." الخ اس صورت میں "ہ" ضمیر جناب نبی اکرم صلی اللہ علیہ وآلہ وسلم کی ذاتِ بابرکات کی طرف لوٹ رہی ہے، اور بطورِ وسیلہ اس طرح پڑھنا بھی درست ہے۔

تاہم بعینہ ان الفاظ کا ثبوت احادیث سے نہیں ملتا۔  درود کے جن صیغوں میں شرکیہ یا فاسد المعنیٰ لفظ نہ ہو ایسے صیغے پڑھنے سے نفسِ درود کے فضائل حاصل ہوجاتے ہیں۔ فقط واللہ اعلم