سوال

داڑھی ایک مشت سے زیادہ کتنی رکھ سکتا ہے؟

جواب

ایک مشت سے بہت زائد لمبی داڑھی رکھنا  سنت کے خلاف ہے، مشت سے اتنی زیادہ داڑھی رکھی جائے جس میں خوب صورتی اور وقار ہو،  ایک مشت سے زائد داڑھی کو کاٹ کر گولائی میں کرنا حضرت ابن عمراور حضرت ابوہریرۃ رضی اللہ عنہما کی روایت سے ثابت ہے، جو درج ذیل ہے:
' عن ابن عمرؓ عن البني صلی اﷲ علیه وسلم قال: خالفوا المشرکین، وفروا اللحیٰ، واحفوا الشوارب، وکان ابن عمر إذا حج، أوعمر قبض علی لحیته فما فضل أخذه'۔ (صحیح البخاري ، کتاب اللباس، باب تقلیم الأظفار ۲/۸۷۵، رقم: ۵۶۶۳، ف:۵۸۹۲)
' وقد روي عن أبي هریرة أیضاً أنه کان یقبض علی لحیته فیأخذ مافضل عن القبضة'۔ (هامش الترمذي ۲/۱۰۵)
'عن الحسن قال: کانوا یرخصون فیمازاد علی القبضة من اللحیة: أن یؤخذ منها'۔ (مصنف ابن أبي شیبة، مؤسسة علوم القرآن بیروت۱۳/۱۱۲، رقم:۲۵۹۹۵)
'عن أبي هریرة: أنه کان یأخذ من لحیته ماجاز القبضة'۔ (مصنف ابن أبي شیبة ۱۳/۱۱۳، رقم:۲۵۹۹۹)

نیز خود رسول اللہ صلی اللہ علیہ وسلم سے بھی داڑھی مبارک کے بڑھے ہوئے بال کم کرناثابت ہے، جس کی مقدار کی وضاحت صحابہ کرام رضی اللہ عنہم کی مذکورہ روایات میں موجود ہے۔

'عن عمرو بن شعیب عن أبیه عن جده، أن رسول اﷲ صلی اﷲ علیه کان یأخذ من لحیته من طولها وعرضها'۔ (سنن الترمذي، کتاب الأدب، باب ماجاء في الأخذ اللحیة، النسخة الهندیة ۲/۱۰۵، دار السلام رقم: ۲۷۶۲)

مزید تفصیل کے لیے ملاحظہ کریں فتاوی بینات جلد 4۔ فقط واللہ اعلم