سوال

 میرے دادا کا تین مہینے پہلےانتقال ہوگیا تھا، اس دفعہ ان کی پہلی رمضان عید ہے،  اس دن نئےکپڑے پہن سکتے ہیں اور ایک دوسرے کو عید کی مبارک باد دے سکتے ہیں؟

جواب

شرعی اعتبار سے شوہر کے علاوہ کسی کے انتقال کے بعد تین دن سے زیادہ سوگ منانا جائز نہیں؛ اس لیے جب آپ کے دادا کے انتقال کو تین ماہ گزرچکے ہیں تو اب عید کے موقع پر نیا لباس پہننا اور ایک دوسرے کو مبارک باد دینا شرعاًدرست ہے، اس میں کوئی حرج نہیں ہے، بلکہ اگر بطورِ رسم ورواج اسے معیوب سمجھا جاتاہو  تو ایسی رسم کو ختم کرنا چاہیے۔ فقط واللہ اعلم