سوال

 قریبی رشتہ دار غیر محرم عورتوں کی اجتماعی قرآن خوانی یا سورہ یسین وغیرہ کے ختم کی شریعت میں کیا حیثیت ہے، جب کہ قرآن خوانی میں شریک خواتین ایک ہی محلہ کی ہوں زیادہ دور سے نہ آتی ہوں؟ کیا ایسی قرآن خوانی جائز ہے یا ناجائز؟

جواب

ایصالِ ثواب یا کسی جائز مقصد کے لیے انفرادی طور پر قرآن مجیدکی تلاوت کرنا نہ صرف جائز، بلکہ مستحب ہے، لیکن اس کے لیے اہتمام کرکے اجتماع ثابت نہیں، خصوصاًعورتوں کا اس مقصد کے لیےاپنے گھروں سے نکلنا اور اجتماع کرنا شرعاً ناپسندیدہ ہے،  اگرچہ جمع ہونے والی خواتین ایک ہی علاقہ کی ہوں اور  دور علاقوں سے نہ آتی ہوں۔  ہاں!   اگر اتفاقاً گھر کے افراد یا مرد کسی جگہ جمع ہوں اور وہ تلاوت کرکے ایصالِ ثواب کریں تو درست ہے۔ فقط واللہ اعلم