سوال

اگر جمعہ کا خطبہ کوئی اور پڑھے اور جمعہ کی نماز کوئی اور پڑھائے تو یہ جائز ہے؟

جواب

افضل یہ ہے کہ نمازِ جمعہ میں جو عربی خطبہ پڑھے وہی نماز جمعہ پڑھائے، لیکن  نمازکے درست ہو نےکے  لیے خطیب اور امام دونوں کا ایک ہونا شرط نہیں؛ اس لیے اگر خطبہ دینے والا کوئی اور ہو اور نماز جمعہ کی امامت کوئی دوسرا شخص کرے تو گنجائش  ہے، خطبہ جمعہ اور نماز دونوں صحیح و درست ہو گی۔

"لاینبغي أن یصلي غیر الخطیب؛ لأنهما کشيءٍ واحد، فإن فعل بأن خطب صبي بإذن السلطان وصلّی بالغ جاز، هو المختار". (الدر المختار مع رد المحتار، کتاب الصلاة، باب الجمعة ۳: ۳۹، ۴۰، ط: مکتبة زکریا دیوبند)

"قوله: ”لأنهما“ أي: الخطبة والصلاة کشيءٍ واحد؛ لکونهما شرطًا ومشروطًا، ولا تحقق للمشروط بدون شرطه، فالمناسب أن یکون فاعلهما واحدًا، ط". (رد المحتار)

و في ص: ۱۹ من الرد عن البحر: "وقد علم من تفاریعهم: أنه لایشترط في الإمام أن یکون هو الخطیب اهـ". فقط واللہ اعلم