خطبہ جمعہ میں درودِ ابراہیمی پڑھنا ثابت ہے یا نہیں؟
خطبہ جمعہ میں خطیب کے لیے مطلقاً درودِ پاک پڑھنا صحابہ رضوان اللہ علیہم اجمعین سے ثابت ہے، درودِ ابراہیمی کا پڑھا جانا ہمیں کسی روایت میں نہ مل سکا۔ اگر کوئی لازمی سمجھے بغیر اسے پڑھتا ہے تو یہ درست ہے۔
مسند أحمد ت شاكر (1/ 530):
" عون بن أبي جحيفة قال: كان أبي من شرط عليّ، وكان تحت المنبر، فحدثني أبي أنه صعد المنبر، يعني عليَّا، فحمد الله تعالى وثنى عليه وصلى على النبي صلى الله عليه وسلم". فقط واللہ اعلم
فتوی نمبر : 144102200263
دارالافتاء : جامعہ علوم اسلامیہ علامہ محمد یوسف بنوری ٹاؤن