اگر کسی جانور کو خصی کرتے وقت اس کا آلۂ تناسل یا خصیتین بالکل کٹ جائیں تو اس کی قربانی کا کیا حکم ہے؟
اگر جانور کو خصی کرتے ہوئے اُس کے خصیتین اور آلہ تناسل کٹ جائیں، تو اس کی قربانی جائز ہے۔ فتاوی شامی میں ہے :
"تجوز التضحیة بالمجبوب العاجز عن الجماع". ( رد المحتار، كتاب الأضحية، ٩/ ٤٧٠، ط: دار عالم الكتب )
اگر مقطوع الذکر جانور کے علاوہ کوئی جانور بسہولت میسر ہو تو اس کی قربانی زیادہ بہتر ہوگی۔ فقط واللہ اعلم
فتوی نمبر : 144010201217
دارالافتاء : جامعہ علوم اسلامیہ علامہ محمد یوسف بنوری ٹاؤن