سوال

پہلے میری بیوی کو 5 دن تک ماہواری ہوتی تھی، لیکن اب کچھ مہینوں سے 10 دن تک تھوڑا تھوڑا خون آتا رہتا ہے، بلکہ اس کے بعد بھی کبھی کبھی خون کے لوتھڑے آجاتے ہیں، تو اس صورت میں وہ کب پاک ہوگی؟ یعنی غسل کے بعد نماز شروع کرسکتی ہے اور کب ہم بستری کی جاسکتی ہے؟

جواب

اگر خون دس دن تک یا دس دن  کے اندر اندر بند ہوجائے تو جتنے دن خون آیا ہے وہ سب حیض کے دن ہیں، لیکن اگر خون دس دن کے بعد بھی جاری رہے تو اس سے گزشتہ مہینےجتنے دن خون آیا وہ حیض ہے باقی استحاضہ ہے، حیض ختم ہونے کے بعد غسل کرکے استحاضہ میں بیوی نماز پڑھ سکتی ہے اوراس سے ہم بستر بھی ہویا جاسکتا ہے۔فقط واللہ اعلم