حضرت مولانا سید محمد یوسف بنوری رحمہ اللہ نے سنن نسائی، سنن ابن ماجہ ، موطأ امام محمد،شرح معانیالآثارامام طحاوی نیز شمائل ترمذی کن سے پڑھی ہے؟
محدث العصر حضرت مولانا سید محمد یوسف بنوری رحمہ اللہ نے صحاحِ ستہ بشمول سننِ نسائی اور ابنِ ماجہ ، نیز موطأامام مالک حضرت مولانا محمد انور شاہ کشمیری رحمہ اللہ تعالی سے پڑھی ہیں، اس کا تذکرہ مولانا کشمیری رحمہ اللہ کی جانب سے ان کو مرحمت فرمائی گئی سند حدیث میں بھی ہے، جو جامعہ کے ترجمان ماہنامہ بینات کے “محدث العصر” نمبر کی ابتدا میں درج ہے، حضرت کے حدیث کے دوسرے بڑے استاذ حضرت مولانا شبیر احمد عثمانی رحمۃ اللہ علیہ ہیں، جن سےانہوں نے صحیح مسلم پڑھی ہے، بقیہ کتب کا تذکرہ دست یاب سوانح میں نہیں ملتا، فقط واللہ اعلم
فتوی نمبر : 144004201436
دارالافتاء : جامعہ علوم اسلامیہ علامہ محمد یوسف بنوری ٹاؤن