سوال

کیا حضرت ابوبکررضی اللہ عنہ کی یہ سنت تھی کہ جب بھی محمد صلی اللہ علیہ وسلم  کا نام سنتے ناخن کو بو سہ دے کر آنکھوں پے لگا لیتے ؟یا انہوں نے کبھی یہ عمل کیا ؟

جواب

حضرت ابوبکر رضی اللہ عنہ کا معمول انگوٹھے چومنے کا نہیں تھا، بعض مفسرین اور دیلمی نے لکھا ہے کہ ان کا یہ عمل تھا،  لیکن یہ بے سند ہے، علامہ محمد طاہر پٹنی رحمہ اللہ نے اسے موضوعات میں ذکر کیا ہے، اسی طرح ملا علی قاری رحمہ اللہ نے بھی اسے اپنی موضوعات پر لکھی گئی کتاب ’’المصنوع في معرفة الحدیث الموضوع‘‘ میں ذکر کیا ہے، علامہ طاہر پٹنی رحمہ اللہ نے اسے نقل کرنے کے بعد فرمایا: "لایصح"، وکذا ماورده أبوالعبا س. (تذکرۃ الموضوعات :۳۴،ط: کتب خانہ مجیدیہ ملتان) مزید وضاحت کے لیے (المصنوع فی معرفۃ الحدیث الموضوع :۱۶۸،ط: ایچ ایم سعید کراچی)۔

لہذا اسے سنت کہنا یا کسی جلیل القدر صحابی کا عمل قرار دینا درست نہیں ہے ۔ فقط واللہ اعلم