سوال

حرام مال کھانے کے بعد اس کا کفارہ کس طرح ادا کریں?

جواب

حرام مال کھانے کے بعد  توبہ و استغفار کرنا چاہیے،  نیز اگر کسی کا مال کھایا ہے تو اسے اس کابدل اداکرنا ضروری ہے، اگر صاحب حق زندہ نہ ہو تو اس کے ورثہ تک پہنچانا ضروری ہے۔

اگر صاحب حق اور اس کا کوئی وارث نہ ملے یا حرام مال جو کھایا ہے وہ کسی کا حق نہیں تھا، بلکہ ناجائز ملازمت کی صورت میں حرام آمدن استعمال کی، تو ان دونوں صورتوں میں ثواب کی نیت کے بغیر  اتنی رقم زکات کے مستحق کو ادا کرنا ضروری ہوگا۔ فقط واللہ اعلم