بِسْمِ اللَّهِ الرَّحْمَنِ الرَّحِيم

18 رمضان 1445ھ 29 مارچ 2024 ء

دارالافتاء

 

حرام فیڈ کھانے والی مرغی کھانے کا حکم


سوال

ایک دوست کا کہنا ہے کہ مرغیوں کی فیڈ باہر سے منگوائی جاتی ہے، اس میں سور کی آلائشیں شامل ہوتی ہیں؛ لہذا ایسی مرغی کھانا بھی حرام ہے۔

جواب

شرعی طور پر ذبح شدہ برائلر مرغی کاکھاناحلال ہے، محض لوگوں کی قیاس آرائیوں کی بنا پر کسی چیز کو حرام قرار نہیں دیاجاسکتا، اور نہ ہی مرغی کھانے سے ایمان جاتاہے۔

چکن کی فیڈ میں خنزیر ملانا یا خالص حرام  یا جس میں حرام غالب ہو،ایسی خوراک مرغیوں کو کھلانا حرام ہے، یعنی انسان جو شرعی اَحکام کا مکلف ہے، وہ مرغی کو ایسی غذا دے، یہ حرام ہے،  مگر ایسی مرغی جسے حرام کھلایا گیا ہو  اگر اس میں حرام کی بو نہ ہو تو اس کاکھانا جائز ہے۔ دیسی مرغی بھی کیڑے مکوڑے کھاکر پلتی بڑھتی ہے۔ بہرحال کسی حلال جانور کا حرام یا ناپاک چیز کھالینا اس کے حرام ہونے کی کافی وجہ نہیں ہے، ہاں اگر اس جانور میں ناپاک یا حرام چیز کی بو پیدا ہوجائے تو جب تک اس میں یہ بو محسوس ہو، اس وقت تک اس حلال جانور کا کھانا ممنوع ہے، اور جب وہ بو زائل ہوجائے تو اس جانور کا کھانا بھی جائز ہوتاہے، فارمی مرغی میں نجاست یا حرام کی بو نہیں ہوتی ؛ اس لیے کا کھانا جائز ہے۔

رہا اس کامضر صحت ہونا تواطباء ہی اس کابہتر جواب دے سکتے ہیں۔ فقط واللہ اعلم


فتوی نمبر : 144106200008

دارالافتاء : جامعہ علوم اسلامیہ علامہ محمد یوسف بنوری ٹاؤن



تلاش

سوال پوچھیں

اگر آپ کا مطلوبہ سوال موجود نہیں تو اپنا سوال پوچھنے کے لیے نیچے کلک کریں، سوال بھیجنے کے بعد جواب کا انتظار کریں۔ سوالات کی کثرت کی وجہ سے کبھی جواب دینے میں پندرہ بیس دن کا وقت بھی لگ جاتا ہے۔

سوال پوچھیں