سوال

(1)میں نوری آباد ایک کمپنی میں آڈٹ کے سلسلے میں آیا ہوں ایک ہفتہ کے لیے ، میرے گھر سے اس کمپنی تک  100 کلو میٹر کی مسافت ہے، پوچھنا یہ ہیکہ اس صورت میں مجھے قصر کرنی پڑے گی؟

(2)اور دوسری بات یہ کہ قریب کی مسجد اہل رسومات کی ہے، میں​ جماعت کے بغیر نماز پڑھ سکتا ہوں یا اہل رسومات امام کے پیچھے؟ 

جواب

(1)  کراچی کی جس جانب سے آپ شہر سے نکلیں گے، اُس جانب سے کراچی کی آبادی کے اختتام سے لے کر نوری آباد تک کی مسافت اگر 48 میل (77.24 کلو میٹر) ہے تو آپ شرعی مسافر ہوں گے، اور  چار رکعات والی فرض نماز قصر کریں گے، اگر دونوں آبادیوں کے درمیان فاصلہ 48 میل سے کم ہو تو آپ شرعی مسافر نہیں ہوں گے، اس صورت میں نماز مکمل ادا کرنی ہوگی۔

(2)اگر قریب میں صحیح العقیدہ امام کی مسجد نہیں تو  بدعتی امام کی اقتدا  میں نماز ادا کرنا تنہا نماز پڑھنے سے بہتر ہے۔ البتہ اگر  معلوم ہو کہ امام کا عقیدہ شرکیہ  ہے تو اس کی اقتدا میں  نماز ادا کرنا درست نہیں ہے۔ فقط واللہ اعلم