سوال

ہم حج کرنے گئے تھے، وہاں میرے ساتھ کمرے کے چار ساتھیوں نے ایک دوسرے کا سر گنجا کیا، اب ایک صاحب کا کہنا ہے کہ دو لوگوں کودم دینا ہوگا، آپ وضاحت سے جواب دیجیے گا ۔ ان کہنا تھا کہ بال کاٹنے والے حلاق  سے حلق کرانا چاہیےتھا ۔ہم اس وقت سارے ارکان پورے کرکے آئے تھے۔صرف حلق ہی باقی تھا۔

جواب

اگر تمام ارکان سے فارغ ہوچکے ہوں، صرف حلق ہی باقی ہو، تو اس وقت  محرم اپنا حلق کرانے سے پہلے دوسرے محرم کا حلق کرسکتا ہے ؛ لہذا صورتِ مسئولہ میں کسی پر دم واجب نہ ہوگا۔ فقط واللہ اعلم