سوال

میں کند ذہن ہوں اور حافظہ کے لحاظ سے بہت کم زور ہوں، میں روزانہ صلوۃ الحاجۃ پڑھتاہوں اور اللہ سے پشتو زبان میں دعا کرتا ہو ں کہ ’’یااللہ! میری عقل وذہن کو تیز کر دے‘‘  کیا اس طرح دعا کرنا جائز ہے؟ 

جواب

حافظہ کے لیے صلاۃ الحاجۃ پڑھنا اور پشتو، اردو یا کسی بھی زبان میں دعا کرنا صرف جائز ہی نہیں، بہت اچھا اور مستحسن ہے، اس کے ساتھ گناہوں سے بھی بچنے کی کوشش کریں، خاص طور پر نگاہوں کی حفاظت کا خوب اہتمام کریں؛ اس لیے کہ آنکھ کے گناہ کا حافظہ پر گہرا اثر ہوتا ہے، نیز ہر فرض نماز کے بعد یاقویُّ گیارہ بار پڑھا کریں۔ فقط واللہ اعلم