سوال

جیب میں 1000 روپے رکھے ہوں یا اس سے کچھ کم یا زیادہ تو کیا زکاۃ  کے حساب میں اس کو بھی شامل کریں گے؟

جواب

واضح رہے کہ زکاۃ  ایسے مال پر واجب ہوتی ہے جس مال کی ادائیگی وجوبِ زکاۃ  کے دن سے پہلے  اس شخص پر لازم نہ ہو،  لہذا اگر جیب میں رکھے پیسے ضروریاتِ اصلیہ میں واجب الادا ہوں  تو اس کو زکاۃ  کے حساب میں شامل نہیں کریں گے اور اگر وہ پیسے ضروریات میں واجب الادا نہیں، بلکہ ضروریات سے زائد ہیں تو اس کو زکاۃ  کے حساب میں شامل کریں گے۔ فقط واللہ اعلم