جوآدمی کرسی پر بیٹھ کر نماز پڑھتاہو، قیام پر قادرہو، رکوع اور سجدے پرقادر نہ ہو تو ایساآدمی قیام کرے یانہیں؟ بعض علماء فرماتے ہیں: اس صورت میں قیام کرےاور بعض فرماتے ہیں: قیام جائز نہیں۔ براہِ مہربانی جائز صورت تحریر فرمائیں!
جوشخص قیام پرقادر ہو لیکن رکوع سجدہ نہ کرسکتا ہو اس پر قیام لازم نہیں؛ اس کے لیے بہتر اور مستحب یہی ہے کہ وہ بیٹھ کر نماز اداکرے۔ تاہم اگر ایسے شخص نے قیام کرلیا تو یہ صورت بھی جائز ہے، نماز ادا ہوجائےگی۔
مذکورہ شخص کے لیے قیام کے عدمِ جواز کے قائل علماء کا ہمیں علم نہیں، بظاہر قیام نہ کرنے کی افضلیت سے قیام کا عدمِ جواز سمجھ لیاگیا۔فقط واللہ اعلم
فتوی نمبر : 143909200829
دارالافتاء : جامعہ علوم اسلامیہ علامہ محمد یوسف بنوری ٹاؤن