جنات کے بارے میں کچھ بتائیں۔
قرآن وحدیث کی روشنی میں جنات کی تعریف کا خلاصہ یہ ہے کہ ایک ناری مخلوق جو مختلف شکلیں اختیار کرتی ہے ، جنات کی کوئی ایک شکل مخصوص ومتعین نہیں ہے، انسانوں کی طرح جنات بھی احکام کے مکلف ہیں، بعض مؤمن اور نیک ہیں، بعض کافر اور نافرمان ہیں۔ ان میں جو سرکش ہیں وہ شیطان کے معاون و مدد گار ہیں، اور انسانوں کو گم راہ کرنے میں ابلیس کا ساتھ دیتے ہیں۔
ہمارے لیے اتنا ہی ضروری ہے کہ ان کے وجود کا اعتقاد رکھیں، اس سے زیادہ تفصیلات اور گہرائی میں جانے کی نہ ہمیں ضرورت ہے، اور نہ ہی ہم اس کے مکلف ہیں۔ فقط واللہ اعلم
فتوی نمبر : 144012201848
دارالافتاء : جامعہ علوم اسلامیہ علامہ محمد یوسف بنوری ٹاؤن