جمعے کے دن سنتوں کے بعد اور خطبے سے پہلے مسجد کے لیے چندہ کرنا جائز ہے؟
جمعے کے دن سنتوں کے بعد اور خطبے سے پہلے مسجد کے لیے چندہ کرنا جائز ہے ، لیکن اس مٰیں اس بات کا لحاظ رکھا جائے کہ لوگوں کی سنتوں کی ادائیگی میں خلل اور مسجد میں شوروغوغا نہ ہو، نمازیوں کے سامنے گزرنا نہ ہو اور مسجد کی ضرورت کے لیے چندہ ہو۔مناسب صورت یہ ہے کہ سنتوں سے فراغت کے بعد خطبے میں تھوڑی تاخیر کی جائے اور اس وقت میں چندہ کرلیا جائے۔ فقط واللہ اعلم
فتوی نمبر : 143908200462
دارالافتاء : جامعہ علوم اسلامیہ علامہ محمد یوسف بنوری ٹاؤن