سوال

 کیاجمعہ کے دن امام خطبہ سے پہلےمحراب میں نماز نہیں پڑھ سکتا؟

جواب

جمعہ کے دن خطبہ سے پہلے امام کا محراب میں نماز پڑھنا مکروہِ تنزیہی ہے، اس کی وجہ یہ ہے تاکہ نئے آنے والے مقتدیوں کو امام کی نماز سے  اشتباہ نہ ہو ؛ اس لیے جمعہ کی نماز کے خطبہ سے پہلے اور نماز کے بعد بھی  محراب سے ذرا دائیں یا بائیں ہوکر سنتیں پڑھنی چاہییں، اگر پچھلی صفوں میں گنجائش ہو تو پیچھے آکر پڑھ لے ورنہ وہیں محراب میں ذرا دائیں بائیں یا کچھ آگے ہوجائے، البتہ اگر مسجد کا محراب تنگ ہو اور صف میں بھی جگہ نہ ہو تو جمعے سے پہلے کی سنتیں مصلے پر پڑھ سکتاہے۔

وفي حاشية الطحطاوي على مراقي الفلاح  (ص: 514):
’’وتكره صلاته في المحراب قبل الخطبة، قهستاني وغيره‘‘.

وفي البحر الرائق  (2/ 161):
"وتكره صلاته في المحراب قبل الخطبة". فقط واللہ اعلم