سوال

کیا مقتدی کے علاوہ یعنی وہ شخص جس نے نماز شروع نہیں کی ہو کیا وہ امام کو لقمہ یا فتحہ  دے سکتا ہے؟

جواب

نماز میں جو شخص شامل نہ ہو اسے لقمہ دینے کی شرعاً اجازت نہیں، اگر اس نے لقمہ دے دیا اور امام نے اس کا لقمہ لے لیا(یعنی اسے خود سے یاد نہیں آیا، بلکہ بتانے سے معلوم ہوا) تو نماز فاسد ہو جائے گی، البتہ اگر امام نے فوراً لقمہ قبول نہیں کیا، بلکہ اسے خود یاد آگیا اور اپنے یاد آنے پر صحیح پڑھ لیا تو نماز فاسد نہیں ہوگی۔ فقط واللہ اعلم