سوال

مولانا مودودی کے حوالے سے شیخ الاسلام حسین احمد مدنی رحمہ اللہ کی کوئی تحریر ہے ؟

جواب

مولانا مودودی کے بارے میں  شیخ الاسلام حضرت مولاناحسین احمدمدنی رحمہ اللہ کی تحریر وکتاب کا نام  ہے: "مودودی دستور وعقائد کی حقیقت"۔

یہ کتاب  درحقیقت  ایک مکتوب ہے  جو  مولانا حسین احمد مدنی رحمہ اللہ  نے دارالعلوم دیوبند کےایسے فاضل کو لکھا تھا جو اس وقت جماعتِ  اسلامی سے وابستہ ہوگئےتھے،اور  ان کا گمان یہ تھا کہ جمہور امت اور  جماعتِ اسلامی کا اختلاف محض فروعی ہے،اصولی نہیں ہے،شیخ الاسلام رحمہ اللہ  نے اپنے  فاضل کے اس گمان کو ختم کرنے کے  لیے باقاعدہ مذکورہ تحریرلکھی اور   بلیغ انداز میں اُن کی فہمائش کی کہ اختلاف  محض فروعی نہیں ہے،  بلکہ اُصولی ہے،یہ تحریر مکتبہ دارالعلوم دیوبند نے خوب صورت کتابت کے ساتھ  شائع کی ہے۔ فقط واللہ اعلم