میرے ایک قریبی رشتہ دار کو ورثہ کی تقسیم کی مد میں آپ سے جواب درکار ہے۔ اس رشتہ دار کے ماں باپ کا انتقال ہو چکا ہے ۔ اس کی دو 2 بہنیں اور بشمول اس کے تین 3 بھائیہیں۔ ان کا ایک مکان ہے جس کی مالیت 15 لاکھ ہے جس پر بجلی کے واجبات تقریبا ایک لاکھ ہے لہذا مکان کی مالیت اب 14 لاکھ روپے ہے۔ برائے مہربانی بتائیں کہ اس کی تقسیم کیسے ہوگی۔
صورت مسئولہ میں 14 لاکھ روپے سمیت مرحوم والدین کےجملہ املاک واموال کو آٹھ حصوں میں تقسیم کر کے، دو دو حصے ہر ایک بیٹے کے اور ایک ایک حصہ ہر ایک بیٹی کو ملے گا۔
فتوی نمبر : 143602200033
دارالافتاء : جامعہ علوم اسلامیہ علامہ محمد یوسف بنوری ٹاؤن