سوال

میں پوچھنا چاہتی ہوں کہ اگر ہم سچے دل سے توبہ کریں تو  کیا ہماری چھوٹی ہوئی نمازیں اور روزیں بھی معاف ہو جاتے ہیں؟

جواب

توبہ کی وجہ سے نماز اور روزے چھوڑنے کا گناہ تو معاف ہوجائے گا، قضا شدہ نمازیں اور روزے معاف نہیں ہوتے، ان کی قضا کرنا ضروری ہوتا ہے، لہذا صورتِ مسئولہ میں جتنی نمازیں اور روزے قضا ہوئے ہوں ان کی ادائیگی کا آغاز فوری طور پر کرلیا جائے۔  یومیہ پانچ فرض نمازوں اور وتر کی قضا کرنی ہوگی۔ فقط واللہ اعلم