بِسْمِ اللَّهِ الرَّحْمَنِ الرَّحِيم

18 رمضان 1445ھ 29 مارچ 2024 ء

دارالافتاء

 

توبہ پر استقامت پانے کا طریقہ


سوال

میں جب بھی توبہ کرتا ہوں تو توبہ ٹوٹ جاتی ہے، استقامت بالکل نہیں ہے مجھ میں، اس کے لیے میں کیا کروں؟

جواب

اللہ تعالی کو توبہ کرنے والے لوگ انتہائی محبوب ہیں، حدیث شریف میں آتا ہے کہ ہر بنی آدم خطا کار ہے اور بہترین خطا کار وہ ہیں جو توبہ کرنے والے ہیں۔  

پھر اگر بار بار توبہ کرنے کے باوجود توبہ ٹوٹ جاتی ہو تو اس سے پریشان نہیں ہونا چاہیے،  بلکہ اُس کے بعد پھر توبہ کر لینی چاہیے، توبہ کی استقامت کے لیے دو کام کیجیے، آہستہ آہستہ استقامت  نصیب ہو جائے گی۔

ایک کام تو یہ کریں کہ عزمِ مصمم کر لیں کہ اب میں اپنی توبہ ٹوٹنے نہیں دوں گا، اور دوسرا کام یہ کریں کہ کثرت سے اللہ تعالی سے دعا کریں کہ اے اللہ! آپ ہی مجھے اپنی توبہ پر استقامت نصیب فرما دیجیے، ان شاء اللہ جلد استقامت نصیب ہو جائے گی۔ فقط واللہ اعلم


فتوی نمبر : 144001200898

دارالافتاء : جامعہ علوم اسلامیہ علامہ محمد یوسف بنوری ٹاؤن



تلاش

سوال پوچھیں

اگر آپ کا مطلوبہ سوال موجود نہیں تو اپنا سوال پوچھنے کے لیے نیچے کلک کریں، سوال بھیجنے کے بعد جواب کا انتظار کریں۔ سوالات کی کثرت کی وجہ سے کبھی جواب دینے میں پندرہ بیس دن کا وقت بھی لگ جاتا ہے۔

سوال پوچھیں