میں نے کچھ زمین لی ہے جس میں دکان تعمیر کرکے کرائے پہ دینےکی نیت ہے ۔کیا مجھے اس زمین کی قیمتِ خرید پہ زکاۃ ادا کرنی ہو گی؟یا پھر دکان تعمیر کرنے کے بعد اس کا جوکرایہ آئے گا اس پہ زکاۃ دینی ہوگی؟
صورتِ مسئولہ میں مذکورہ زمین کی قیمت پر زکات واجب نہیں ہوگی، البتہ دکانوں کی تعمیر کے بعد کرایہ پر دینے کی صورت میں اگر مذکورہ شخص پہلے سے صاحبِ نصاب ہو تو اس صورت میں جس دن اس کی زکاۃ کا سال مکمل ہورہا ہو، اس دن تک جتنا کرایہ موجود ہو، استعمال میں نہ آیا ہو، اسے کل مال کے ساتھ شامل کرکے کل مالیت کا ڈھائی فی صد بطورِ زکوۃادا کرنا لازم ہوگا۔ یا کرایہ کی رقم جمع ہونے کے بعد وہ صاحبِ نصاب بن جائے تو سال پورا ہونے پر زکاۃ واجب ہوگی۔فقط واللہ اعلم
فتوی نمبر : 144008200259
دارالافتاء : جامعہ علوم اسلامیہ علامہ محمد یوسف بنوری ٹاؤن