کسی انسان کے مرنے کے بعد تعزیت کے لیے کیا 72 گھنٹے(تین دن) بیٹھنا ضروری ہے؟ ہمارےہاں کچھ حضرات کہتے ہیں کہ آپ دوسرے دن بھی اٹھ سکتے ہیں اور کچھ فرماتے ہیں کہ تیں دن سے پہلے اٹھنا جائز نہیں۔آپ سے گزارش ہے کہ مسئلہ شریعت کی رو سے وضاحت کے ساتھ سمجھائیں۔
کسی شخص کے انتقال کے بعد اس کے لواحقین کو تعزیت کے لیے تین دن تک بیٹھنے کی اجازت ہے،البتہ تین دن تک بیٹھنے کو لازم سمجھنادرست نہیں،دوسرے دن اٹھناچاہیں تو اٹھ سکتے ہیں۔ "فتاویٰ ہندیہ" میں ہے:
’’ولا بأس لأهل المصيبة أن يجلسوا في البيت أو في مسجد ثلاثة أيام والناس يأتونهم ويعزونهم ‘‘۔(4/490)فقط واللہ اعلم
فتوی نمبر : 143812200027
دارالافتاء : جامعہ علوم اسلامیہ علامہ محمد یوسف بنوری ٹاؤن