میں نے شبِ جمعہ میں کسی وقت ایک خواب دیکھا کہ میں اپنے نحو کے استاد کے ہاں گیا ہوں، میں بیٹھا ہوتا ہوں کہ اتنے میں استادِ محترم میری طرف آرہے ہوتے ہیں اور آتے آتے مجھ سے کچھ پوچھتے ہیں فقہ کے حوالے سے، اور بہت موڈ میں ہوتے ہیں، جن عربی کے الفاظ سے مجھ سے سوال کرتے ہیں وہ مجھے یاد نہیں، لیکن اتنا یاد ہے کہ ان الفاظ کا حقیقت میں فقہ سے کوئی تعلق نہیں ہے۔ لیکن خواب میں فقہ کے متعلق ہوتے ہیں، میں سمجھ جاتا ہوں کہ معاملات سے متعلق سوال کر رہے ہیں، میں بھی انہیں ہنستے ہوئے جواب دیتا ہوں کہ استاد جی معاملات کا باب مجھے ٹھیک سے نہیں آتا، یہ کہہ کر میں اپنی جان، ان کے اس مختصر امتحان سے چھڑا لیتا ہوں۔ اس خواب کی تعبیر مطلوب ہے!
علمی ترقی کے لیے اپنے اساتذہ کے ساتھ عموماً اور مذکورہ استاذ صاحب سے خصوصاً رابطہ میں رہنا ضروری ہے۔ فقط واللہ اعلم
فتوی نمبر : 144107200165
دارالافتاء : جامعہ علوم اسلامیہ علامہ محمد یوسف بنوری ٹاؤن