سوال

میں شاور کے نیچے کھڑا ہو کر نہا رہا ہوں، نہاتے نہاتے شاور سے پانی کے ساتھ انسانی فضلہ آنا شروع ہو جاتا ہےاور وہ میرے جسم پر سر  پر لگ جاتا اور فرش پر بھی گرا ہوا نظر آتا ہے، اتنے میں میں ایک فون کال کرتا ہوں،  ہاسٹل کے وارڈن کو کہ پانی میں سے فضلہ آیا ہے تو وہ کہنے لگا کہ ہاں ہم نے کئی بار شکایت کی ہے، مگر پانی میں ایسے فضلہ آجاتا ہے، پھر اس کے بعد پانی صاف آنے لگتا ہےاور میں پانی بالٹی میں بھرتاہوں، اب پانی میں فضلہ نہیں آتا،  مگر بالٹی کی تہہ میں کچرا سا دکھتا ہے اور نہانے سے پہلے ہی آنکھ کھل جاتی ہے ۔

میں کو ئی طالب علم نہیں، سرکاری ملازم ہوں، اور ڈیوٹی پر بہت کم جاتا ہوں، جس کی وجہ یہ ہے کہ آفس میں کام نہ ہونے کے برابر ہوتا ہے، اور اگر کوئی کام ہو تو اسی دن چلا جاتا ہوں یا آفس کا کام گھر پر کر کے واٹس ایپ کے ذریعے بھجج دیتا ہوں!

جواب

جو علم اور فن آپ نے حاصل کیا ہے اس میں سراسر آپ کی آخرت کا نقصان ہورہاہے، وہ یوں کہ اس کے عوض جو تنخواہ آپ کومل رہی ہے وہ ناجائز آمدنی ہے؛ لہٰذا اپنی آمدنی کے بارے  میں بالمشافہہ کسی مفتی سے رجوع کریں، یا اپنی ملازمت اور آمدن کے حوالے سے تفصیل ارسال کردیجیے، ان شاء اللہ اس کی روشنی میں راہ نمائی کردی جائے گی۔  فقط واللہ اعلم