خواب میں دیکھا کہ امی کہتی ہیں: میرے سر میں درد ہے، اور پاس کھڑے میرے چچا کہتے ہیں: ان کو بچھو وغیرہ نے کاٹا ہے۔ چچا کی بات سنتے ہی امی کی حالت زیادہ خراب ہو جاتی ہے اور میں چلاتے ہوئے ان کو پکڑتا ہوں اور بھائی کو کہتا ہوں: گاڑی نکال، امی کو ڈاکٹر کے پاس لے کر جانا ہے۔ یہ خواب آج دیکھا، اور پھر آنکھ کھل گئی اور صبح کی نماز پڑھی؛ کیوں کہ وقت کم تھا صبح کی نماز کا۔ اس خواب کی تعبیر بتادیجیے!
خواب میں جس کو بچھو نے کاٹا ہے وہ بخل یا ریاکاری کے گناہ میں مبتلا ہیں، اس سے توبہ کریں اور بظاہر شوہر کی طرف سے بھی پریشان ہیں، ان کی صلح صفائی کرائی جائے۔ فقط واللہ اعلم
فتوی نمبر : 144104200910
دارالافتاء : جامعہ علوم اسلامیہ علامہ محمد یوسف بنوری ٹاؤن