سوال

میں نے خواب میں دیکھا کہ میرے گھر والے ہم سب کہیں جا رہے ہیں، بس میں بیٹھے ہیں، اور میری چچی بس کے باہر کھڑی ہیں، اپنے لیے جگہ بنا رہی ہیں، ان کا چار مہینے کا بیٹا جو ماسی کے پاس گھر میں ہے وہ اس کو نہلا رہی ہیں، اتنے میں ماسی بچے کو جھنجھوڑتی ہے کہ بچے کی سانس بند ہو رہی ہے،  پھر ہم سب بھاگتے ہیں جب تک بچہ گزر چکا ہوتا ہے،  میرے چاچو میری چاچی کو طلاق دے دیتے ہیں،  پیپر پر طلاق دیتے ہیں، منہ سے نہیں دیتے، میری چاچی بہت روتی ہیں اور میرے چاچو میری چاچی کو طلاق دینے کی وجہ سے صدمے سے رونے کی جگہ ہنستے ہیں، اور ہم سب روتے ہیں۔

اس کی تعبیر بتادیں!

جواب

آپ کے چچا کاروبار میں نقصان کر رہے ہیں، اور اپنے بیٹے کی تربیت سے غافل ہیں۔ فقط واللہ اعلم