میں نے خواب دیکھا ہے، میری بیٹی جس کا انتقال ہوچکا ہے وہ میری گود میں ہے، کھیل رہی ہے رو رہی ہے، میں اپنے شوہر کو کہتی ہوں کہ پلیز اس کو قبر میں واپس نہ ڈال کر آئیں، یہ زندہ ہورہی ہے، میرے شوہر کہتے ہیں کہ واپس چھوڑنا پڑے گا، یہ برف میں رہتی ہے، شاید اس لیے اپنے ہاتھ پاؤں ہلا سکتی ہے، لیکن یہ زندہ نہیں ہو رہی، مجھے اس کی تعبیر بتادیں۔
اللہ تعالیٰ کے فیصلے پر راضی رہ کر صبر کریں، اللہ تعالیٰ کی طرف سے جو صبر مطلوب ہے اور اس پر جو اجر وثواب ہے، اتنا صبر نہیں ہورہا جس کی وجہ سے صبر کا اجر وثواب گھٹ رہا ہے؛ لہٰذا صبر کریں۔ فقط واللہ اعلم
فتوی نمبر : 144012201977
دارالافتاء : جامعہ علوم اسلامیہ علامہ محمد یوسف بنوری ٹاؤن