سوال

اس تراویح کی نماز کے بارے میں کیا حکم ہے جس میں بہت جلدی جلدی قرآن پڑھاجاتا ہے ،یہاں تک کہ صحیح سمجھ بھی نہیں آتا؟  کیاایسی تراویح درست ہے؟

جواب

اگر تراویح میں قاری صاحب قرآنِ پاک عام فرض نمازوں  کی بنسبت کچھ تیز پڑھتے ہوں، لیکن  الفاظ درست ادا کرتےہوں تو اس طرح قرآن پڑھنا درست ہے اور ایسے قاری صاحب کے پیچھے تراویح پڑھنا بھی درست ہے ، لیکن اگر کوئی اس  قدر تیز پڑھتا ہو کہ بعض الفاظ ادا نہ ہوتے ہوں، یا الفاظ ہی درست ادا نہ ہوتےہوں (یعنی مخارج ہی تبدیل ہوجائیں)اور سامعین کو کچھ سمجھ نہ آتا ہو توایسے جلد خواں حفاظ کے پیچھے تراویح پڑھنا درست نہیں۔ اگر صاف پڑھنے والا نہ ملے تو’’ الم تر‘‘ سے پڑھناافضل ہے۔فقط واللہ اعلم