سوال

  میں نے اپنے چند رشتہ داروں کے ساتھ مل کر ایک پلاٹ خریدا ہے اور کچھ زائد پیسے بھی ہیں، جس سے پلاٹ کے اوپر گھر بنارہے ہیں، اور جب گھر بن جائے گا تو اسے بیچ کر منافع آپس میں تقسیم کریں گے۔ اس حوالے سے زکاۃ ادا کرنے کا حکم کیا ہوگا؟

جواب

تجارتی نیت سے لیے گئے پلاٹ کی زکاۃ ادا کرنالازم ہے، جس دن زکاۃ کا سال مکمل ہو اس دن اس پلاٹ اور تعمیر شدہ حصے کی مارکیٹ ویلیو کا ڈھائی فیصد ادا کرنالازم ہوگا،ہرشریک اپنے حصے کے بقدر زکاۃ ادا کرے گا۔ فقط واللہ اعلم