ٹائنزکمپنی کی کوئی چیز خریدنے کا کیا حکم ہے؟
ٹائنز کمپنی کا طریقہ کا ر غیر شرعی ہے، اس کی ممبر شب حاصل کرنا یا اس میں کاروبار کرنا شرعاً جائز نہیں ہے، باقی کسی مصنوع (پروڈکٹ) کے حلال یا حرام ہونے کا مدار کسی فرد یا کمپنی پر نہیں ہوتا، بلکہ مصنوعات کے اجزاء ترکیبیہ پر ہوتا ہے،لہذا اگر مذکورہ کمپنی کی دوائیوں اور کھانے کی چیزوں میں حرام اجزاء استعمال نہیں ہوئے تو ان کی مصنوعات خریدنا درست ہے،اور اگر ان مصنوعات میں حرام اجزاء شامل ہوں تو ان کو خریدنا جائز نہیں ہے۔ لیکن ہماری معلومات کے مطابق ٹائنز کمپنی کی مصنوعات عام بازار میں دست یاب نہیں ہوتیں ، بلکہ اس کی خریداری کے لیے کمپنی کی ممبر شپ حاصل کرنا ضروری ہوتا ہے، اگر واقعۃً ایسا ہی ہے تو اس مصنوعات خریدنے کے لیے کمپنی کی ممبر شپ لینا جائز نہیں ہوگا۔فقط واللہ اعلم
فتوی نمبر : 143412200029
دارالافتاء : جامعہ علوم اسلامیہ علامہ محمد یوسف بنوری ٹاؤن