سوال

میرے پلاٹ پر زکاۃ فرض ہے؛ کیوں کہ میں نے یہ بیچنے کی نیت سے خریدا تھا۔ پلاٹ کا انتقال ابھی میرے نام نہیں ہوا، ابھی قسطیں ادا کر رہا ہوں۔کیا زکاۃ ادا کرنا جب کہ ابھی انتقال نہیں ہوا فرض ہے؟

جواب

جو پلاٹ آپ نے بیچنے کی نیت سے خریدا ہے اس پر زکاۃ لازم ہے، چاہے وہ ابھی آپ کے نام منتقل نہ ہوا ہو، لہذا اس پلاٹ کی موجودہ مارکیٹ کی قیمت کو اپنے باقی اموال کے ساتھ شمار کر کے (اگر آپ پر قرض نہیں ہے اور آپ صاحبِ نصاب بنتے ہیں تو) اس کی زکاۃ ادا کرنا  ضروری ہے، البتہ اس سال کی قسطیں کل مالیت سے منہا کرسکتے ہیں۔ فقط واللہ اعلم