سوال

شادی کے بعداگربیوی پسندنہ  آئے اورشوہرکسی صورت برداشت نہ کرسکے،اوراسے گناہ میں مبتلاہونے کااندیشہ ہوتوکیاشوہربیوی کوطلاق دے سکتاہے۔

جواب

طلاق دینے کااختیارشریعت نے شوہرکودیاہے وہ جس وقت چاہے طلاق دے سکتاہے ،مگربلاعذرشرعی طلاق دیناکراہت سے خالی نہیں ہے۔حدیث شریف میں مباح چیزوں میں سب سے ناپسندیدہ چیزطلاق کوقراردیا گیاہے۔

آپ نے ناپسندیدگی کی وجہ نہیں لکھی اس لیے اگرکوئی شرعی عذرنہیں ہے توحتی الامکان طلاق دینے سے گریزکیاجائے ،اوراگرباوجودکوشش کے نباہ کی صورت ممکن نہ ہو اورحقوق کے ضیاع کااندیشہ ہو توپھرطلاق دینامباح ہے۔البتہ اس ناگواری کے باوجود بیوی کو برداشت کرتا رہے گا تو اس کا اجر ملے گا۔فقط واللہ اعلم