میں حنفی مسلک کا حامل ہوں، میرا سوال یہ ہے کہ بینک میں زکات کٹوتی سے بچنے کے لیے فارم Cz-50 بھر سکتا ہوں؟
ہماری معلومات کے مطابق بینکس یکم رمضان کو صرف سیونگ اکاؤنٹ ہولڈرز کے اکاؤنٹ سے زکات کاٹتے ہیں، جب کہ کرنٹ اکاؤنٹ ہولڈرز کے اکاؤنٹ سے کسی بھی قسم کی کٹوتی نہیں کی جاتی، لہذا بینک میں اگر اکاؤنٹ کھلوانا ہو تو صرف کرنٹ اکاؤنٹ کی اجازت ہے، سیونگ اکاؤنٹ میں چوں کہ سود ملتا ہے اس وجہ سے سیونگ اکاؤنٹ کھلوانا شرعاً جائز نہیں، لہذا CZ 50 فارم بھرنے کے بجائے اپنی تمام رقم کرنٹ اکاؤنٹ میں منتقل کرکے سیونگ اکاؤنٹ بند کروادیں، زکات کٹوتی سے بچنے کے لیے اپنے آپ کو غیر مسلم ظاہر کرنے میں ایمان جانے کا خطرہ ہے، اور یہ شرعاً جائز نہیں۔ فقط واللہ اعلم
فتوی نمبر : 144008200035
دارالافتاء : جامعہ علوم اسلامیہ علامہ محمد یوسف بنوری ٹاؤن