ہمارے پاس ٹریکٹر کا شوروم ہے۔اگر کوئی گاہک ہم سے ادھار کچھ مہنگی قیمت میں ٹریکٹر لیتا ہے تو ہم اس کو ٹریکٹر کی چابی دیتے ہیں۔ اس کو کہتے ہیں کہ آپ اپنا ٹریکٹر لے جا سکتے ہیں۔ وہ ہم سے چابی لیکر کسی اور کو نقد قیمت میں فروخت کردیتا ہے اور اس سے نقد پیسے لیکر ٹریکٹر کی چابی اس کو دیتا ہے اور اس کو کہتا ہے کہ لے جانا چاہو تو لے جا سکتے ہو۔ وہ اگلا خریدار بھی ٹریکٹر کو نہیں لے جاتا اور وہ اگلا خریدار ہمیں نقد قیمت پر وہ ٹریکٹر بیچتا ہے اور ہمیں اس ٹریکٹر کی چابی دیتا ہے۔ کیا اس طرح ہمارے لیے اپنے خریدار کے خریدار سے ٹریکٹر لینا جائز ہے؟ جبکہ وہ ٹریکٹر ہمارے شوروم میں ہی کھڑا ہوتا ہے۔ ہم ان کے حوالے کر دیتے ہیں کہ اب آپ کی چیز ہے آپ جہاں لے جانا چاہو جو کرنا چاہو۔ وہ صرف چابی ہاتھ میں لیتے ہیں، ٹریکٹر نہیں لے جاتے ، لے جانا چاہیں تو کوئی رکاوٹ نہیں۔
سوال میں مذکور کاروابار کی صورت مکروہ تحریمی ہے۔جس سے اجتناب لازم ہے۔
فتوی نمبر : 143606200007
دارالافتاء : جامعہ علوم اسلامیہ علامہ محمد یوسف بنوری ٹاؤن