میں نے دس ماہ کی ایک بی سی ڈالی ہے، ابھی بی سی نکلی نہیں ہے، نو ماہ کی بی سی ہو چکی ہے تو کیا مجھے اس کی زکات دینی ہوگی؟
صورتِ مسئولہ میں اگر آپ پہلے سے صاحبِ نصاب ہوں تو اب تک جو نو ماہ کی بی سی جمع کرائی ہے اپنے کل مال میں اس کو بھی شامل کر کے کل کا ڈھائی فی صد بطورِ زکات ادا کرنا آپ پر لازم ہوگا۔ اور اگر آپ پہلے سے صاحب نصاب نہ ہوں، البتہ نو ماہ کی بی سی کی رقم کو ملانے سے آپ کی ملکیت میں ساڑھے باون تولہ چاندی کی قیمت کے بقدر نقدی بن جاتی ہو تو جس مہینے اتنی رقم ہوئی اس وقت سے آپ صاحبِ نصاب شمار ہوں گے اور سال مکمل ہونے پر بھی اگر آپ صاحبِ نصاب برقرار رہے تو کل کا ڈھائی فی صد ادا کرنا لازم ہوگا۔ فقط واللہ اعلم
فتوی نمبر : 144008201017
دارالافتاء : جامعہ علوم اسلامیہ علامہ محمد یوسف بنوری ٹاؤن