سوال

میں اپنے بھائی کو  35سال پہلے کاروبار کے لیے سرمایہ فراہم کیا؛ تاکہ وہ کاروبار شروع کریں۔ اس سرمایہ سے انہوں نے بزنس خریدے۔رہائشی اور تجارتی جائے داد خریدی اور کاروبار کرتے تھے۔ میں نے جب بھی تفصیل مانگی انہوں نے جواب دیا ابھی وقت نہیں ہے۔ اس طرح سے 35 سال گزر گئے۔ اب وہ کہتے ہیں کہ کاروبار میں اضافہ ان کی محنت سے اور بنک لون لے کر ہوا۔ میں صرف اپنے اصل سرمایہ کا حق دار ہوں؟

35سال اور اس کے بعد جو کچھ میرے سرمایہ سے خریدا گیا۔ وہ کس کی ملکیت ہے ؟

 میرے سرمایہ سے کاروبار میں جو منافع ہوا ، کیا اس میں میرا حصہ بنتا ہے؟

جواب

صورتِ مسئولہ میں اگر آپ نے بھائی کو کاروبار میں سرمایہ بطورِ قرض کے دیا تھا تو جتنا سرمایہ آپ نے دیا، آپ اس ہی کے مستحق ہیں۔ اور اگر بطورِ شراکت داری کے دیا تھا تو جس تناسب سے شراکت داری میں نفع متعین ہوا ہو، آپ اس تمام نفع کے مستحق ہیں۔فقط واللہ اعلم

نوٹ: اگر رقم دیتے وقت یہ طے ہوا تھا کہ بطورِ شراکت دے رہاہوں، لیکن تناسب اور معاہدے کی تفصیلات طے نہیں ہوئی تھیں، تو وضاحت کرکے دوبارہ سوال کرلیجیے۔