بیوی سے غصہ کی حالت میں یہ کہا کہ بچہ ہونے تک تیرے قریب نہیں آؤں گا، اب اس کا کیا حکم ہے؟
اگر کوئی شخص چار ماہ یا اس سے زیادہ بیوی کے قریب نہ جانے کی قسم کھا لے تو اس سے ’’ایلاء‘‘ واقع ہو جاتا ہے اور چار ماہ بیوی کے قریب نہ جانے کی صورت میں چار ماہ بعد ایک طلاقِ بائن واقع ہو جاتی ہے۔
لہذا صورتِ مسئولہ میں چوں کہ شوہر نے صرف قریب نہ آنے کی دھمکی دی ہے اور اس پر کوئی قسم نہیں کھائی؛ اس لیے اس سے کچھ بھی واقع نہ ہو گا، شوہر کو چاہیے کہ بلا وجہ چھوٹے چھوٹے معاملات پر اس قسم کے الفاظ سے احتراز کرے۔
بدائع الصنائع في ترتيب الشرائع (3/ 161):
"وفي الشريعة عبارة عن اليمين على ترك الجماع بشرائط مخصوصة، نذكرها في مواضعها إن شاء الله تعالى".
بدائع الصنائع في ترتيب الشرائع (3/ 161):
"وأما ركنه فهو اللفظ الدال على منع النفس عن الجماع في الفرج مؤكدًا باليمين بالله تعالى أو بصفاته أو باليمين". فقط واللہ اعلم
فتوی نمبر : 144105200234
دارالافتاء : جامعہ علوم اسلامیہ علامہ محمد یوسف بنوری ٹاؤن