ہمارے دفتر میں جماعت سے نماز ہوتی ہے اور اذان بھی ہوتی ہے، لیکن آج ہم اذان دینا بھول گئے، برائے کرم راہ نمائی فرمائیں!
آپ نے جو نماز بغیر اذان کے پڑھی ہے وہ نماز ہوگئی ہے، اس کو دہرانے کی ضرورت نہیں ہے، البتہ آئندہ جماعت سے نماز پڑھیں تو اذان دے دیا کریں۔ باقی اگر آپ کے دفتر کے قریب شرعی مسجد موجود ہے تو شرعی مسجد میں جاکر باجماعت نماز ادا کرنے کا اہتمام کریں، دفتر میں جماعت کرانے سے شرعی مسجد کی جماعت کا ثواب حاصل نہیں ہوگا۔ البتہ قریب میں مسجد نہ ہو تو پھر دفتر میں ہی جماعت کا اہتمام کریں۔ فقط واللہ اعلم
فتوی نمبر : 144008201028
دارالافتاء : جامعہ علوم اسلامیہ علامہ محمد یوسف بنوری ٹاؤن